كان ياما كان ولا يحلي الكلام الا بذكر النبي عليه الصلاه والسلام كان في ولد
اسمه هادي
هادي كان شاطر ونشيط بس كان بيحب الحلويات جدا وكان بيرمي الورق في الشارع
اي حاجه ياكلها يرميها في الشارع ومره اكل موز ورمي القشره في الشارع بعد شويه
عدي راجل عجوز واتزحلق في قشره الموز اللي هادي رمها على الارض وشافه هادي
راح ضاحك بصوت عالي ومسعدش الراجل العجوز وتاني يوم رمي قشره تاني و المره
دي وقعت اخته هدي وكانت جيبه له هديه علشان عيد ميلاده والهديه اتكسرت لما
وقعت زعل هادي جدا من نفسه ان اخته وقعت و الهديه كمان اتكسرت واتأسف
لها جدا ووعدها انه مش هيعمل كده تاني و مش هيرمي اي حاجه في الارض
تاني
ولا هيفكر يأذي اي حد تانى , وتوته توته خلصت الحدوته
قصص قبل نوم , هادى و قشره الموز
قصه قبل النوم
- قصص نوم
- قصص الموز
