اوقات بتتحط ست المنزل فمواقف انها لازم تنجز و تطبخ اكلة سريعة و لذيذة و غير مكلفة طبعا
الخيارات كتيرجدا فالاحوال دى و ست المنزل الشاطرة عندها قدرة عالية جدا جدا على انجاز اي مهام تطلب منها
من اسهل الطبخات و احبها لاطفالنا المكرونة بكل نوعياتها و خصوصا المكرونة الاسباجتى منها
ويا سلام لو معاها شاورما فراخ و مرشوش فوقها موزريلا دة الولاد يطير عقلهم بيها كيف بقى تطبخيها بسرعة لو اتحطتى فموقف ان اولادك جايبين اصحابهم يتغدوا معاهم و عملنها ليكى مفجأه
الكيفية سهلة و يتم طهيها فاقل من نصف ساعه
هاتى صدر فرخة و قطعية قطع صغار و تبلية بالبهارات و الزبادى و سيبية عشر دقايق عقبال ما تجهزى باقى المقادير
هاتى نصف مكرونة اسبجتى نوع نضيف يصبح النشا فية قليلة و هاتى طمطماية و بصلة و قرن فلفل رومى قطعيهم شرايح
فى صنية مدورة ادهنيها بمعلقتين زيت و حطى المكرونة و شرايح الفلفل و الطماطم و البصل و قطع الشورما بتتبليتها و ضيفى الملح و البهار حسب مزاجك
واغلى كوبين من المياة و ضيفيهم على الصينية و حطى نصف كوباية صلصه
وسيبهم على النار لحد ما يتم التسوية الكامله
ضيفى على و شها الموزريلا و قدميهم للاطفال و بالف هنا
اكلات سهله و لذيذه ,
مكرونة بالشورما
طبخة سهلة و لذيذه
- طبخات سهلة
