كلنا بنحب الترمس ودايما بنعمله في العيد عشان ناكله والترمس
دا بيتزرع في اماكن بلاد الشام وبيحتوي علي بروتين مهم للجسم
والترمس دا بيكون نوعين الترمس المر والترمس الحلو وبيتاكل بعد
نقعه وسلقه ومكوناته بسيطه جدا وسهله وبتكون عبارة عن اربع
كوبيات من الترمس ومعلقه كبيره من الكمون المطحون ومعلقتين
كبار من الملح الطريقه بقي هتكون ازاي اول حاجه نعملها نغسل
الترمس كويس خالص وبعدين ننقعه في ميه لمده تمنطاشر ساعه
ونغير الميه كل شويه ونبدلها بميه جديده وبعد كده نحطه علي النار
ونسيبه لغايه ما يغلي لمده خمس دقايق وبعدين نطفي النار ونسيبه
لغايه ما يبرد شويه وبعدين نغسل الترمس مرتين تلاته كده لغايه ما
يبرد خالص وبعدين ننقعه مره تانيه في الميه لمده سبع ساعات بعدين
نصفي الترمس من الميه ونرش عليه الكمون والملح وبكده يكون جاهز
للأكل وبعدين نحطهم في التلاجه شويه كده ونرش عليه شويه ميه
عشان يكون طازه واخر حاجه نحط عليه البهارات من فوق
طريقة عمل الترمس الحلو, اروع واسهل طريقة لعمل الترمس
طرق عمايل الترمس الحلو
